14 мамыр, 2020
Жапония үкіметі Қазақстанға гуманитарлық көмек жіберді, деп хабарлайды Stan.kz ақпарат агенттігі. 
Бұл туралы сыртқы істер министрлігінің баспасөз қызметі мәлімдеді.
Жапония үкіметі гуманитарлық көмек ретінде ұсынған 12,200 таблеткадан тұратын препараттар 2020 жылғы 14 мамырда Алматы қаласына жеткізілді.
Бұл жаңа түрлі коронавирусты емдеу үшін қолданылатын дәрі-дәрмектер. Гуманитарлық көмек «Scat» әуе компаниясының арнайы рейсімен жеткізіліп, медициналық мекемелер арасында одан әрі тарату үшін «СҚ-Фармация» ЖШС-ға табыс етілді.
Қазақстан сыртқы істер министрлігі Жапония үкіметіне екі ел арасындағы стратегиялық әріптестік рухына сай келетін достық ықыласы үшін алғыс білдіреді.
stan.kz
