30 тамыз, 2021
26 тамыз күні Жамбыл облысы, Байзақ ауданында орын алған жарылыста қаза болып, күні кеше денесі табылған 14-ші азаматтың кім екені белгілі болды.
Бұл туралы ақпаратты 31 арна тележүргізушісі Ирина Советжанқызы Instagram парақшасында хабарлады.
- Бұл Саят Әлімбеков, офицер-майор. Кеше апат орнынан 14-ші адамның денесі табылды деген ақпарат тарағанымен, кім екені айтылмады. Кеше түстің кезінде табылған азамат — офицер-майор Әлімбеков Саят Жанатұлы.1985 жылғы. Ол 28349 әскери бөлімінің офицер-майоры екен.
Саяттың артында үш баласы қалды, үлкені 6 сыныпқа барады, жалғыз ұлы биыл 1 сыныпқа аяқ басады екен. Марқұмның достары, қызмет бабында опат болған азаматтың аты-жөні айтылмай жатқанына наразы - деп жазды ол.
