1 маусым, 2020
Қазақстанның көліктегі бас санитар дәрігері еліміздің эпидемиялогиялық жағдайы кұрт нашарлайтын болса, қалалардағы блок-бекеттер қайта қойылатынын мәлім етті, деп хабарлайды Stan.kz ақпарат агенттігі.
"Блок-бекеттердің көмегі зор болды. Елімізде карантиннің келесі деңгейі басталды. Шектеу шаралары бірте-бірте жеңілдетілуде. Алайда, егер мемлекеттегі эпидемиялогиялық ахуал қайта өршитін болса, блок-бекеттерді қайта орнатамыз. Біз бірқатар облыстарда бақылау пунктерінің қызметін тоқтаттық. Облыс орталықтарындағы бекеттер ғана алынды, қалғандары сол күйде қалды", - деді Байғабұлов.
Еске салайық, Алматы мен Нұр-Сұлтан қалаларында блок-бекеттер 1 мамырдан бастап алынып тасталған еді.
Бұған дейін көліктегі бас санитар дәрігер Қазақстандықтарға халықаралық рейстерге арналған билеттерді сатып алуға кеңес бермейтінін айтқан еді.
stan.kz
