3 желтоқсан, 2025
Қазақстандық боксшы, WBO және IBF тұжырымдары бойынша әлем чемпионы Жәнібек Әлімханұлының допинг-тесті оң нәтиже көрсеткені туралы ақпарат тарады, деп хабарлайды kznews.kz.
Prosports.kz ресурсы The Ring басылымына сілтеме жасап хабарлауынша, танымал спорт журналисі Майк Коппингер Жәнібектің VADA тестінен кейін тыйым салынған зат анықталғанын мәлімдеген. Бұл жағдай боксшының сенбі күні өтеді деп жоспарланған Эрисланди Ларамен жекпе-жегіне қауіп төндіріп отыр.
Ақпаратқа сәйкес, жекпе-жек болмай қалуы әбден мүмкін, ал ең тәжірибелі әлем чемпионының бірі саналатын Лара WBA белдігін басқа қарсыласқа қарсы қорғауға мәжбүр болуы ықтимал.
