Бүгін, 11:02
Астанада блогерлер Ерболат Жанәбілов пен Эльмира Толегенова қатысты қылмыстық іс бойынша сот процесі жалғасып жатыр, деп хабарлайды kznews.kz.
30 наурыз күні сотқа блогер Дархан Жолшыбеков келді. Ол бұл іс бойынша куәгер ретінде жауап береді. Сот отырысында басқа да куәгерлерден жауап алу жоспарланған.
Еске салсақ, 18 наурызда сот алдыңғы отырысқа келмеген қазақстандық блогерлер Жолшыбеков пен Нұртазаға мәжбүрлеп әкелу (привод) шарасын қолдану туралы қаулы шығарған болатын.
16 наурызда Астанада Ерболат Жанәбілов пен Эльмира Толегеноваға қатысты негізгі сот талқылауы басталды. Танымал блогерлер заңсыз кәсіпкерлікпен айналысты, сондай-ақ қылмыстық жолмен алынған ақша мен (немесе) өзге мүлікті заңдастырды деп айыпталуда.
Жанәбілов пен Төлегенова кінәсін мойындау туралы сұраққа жауап беруден бас тартты.
Бұған дейін сотта прокурордың аға көмекшісі Олжас Хайруллаев айыптау актісін оқыды. Онда Жанабыловтар ұйымдастырған акциялардағы сыйлықтар мен жүлделер қатысушылардың қаражаты есебінен алынғаны айтылған. Ал жарнамада жүлде қоры ұйымдастырушылардың өз қаражатынан құралады деген әсер берілген. Тергеу деректеріне сәйкес, акциялар барысында блогерлер жобасына байланысты шоттарға 247 миллион 653 мың теңге түскен.
Алғашқы куәгерден жауап алу кезінде айыпталушылардың адвокаты мен прокурор бір-бірімен дауыс көтеріп сөйлесіп, соттан бір-біріне ескерту жасауды сұрады.
Бұған дейін сотта осы іс бойынша алғашқы куәгер, «сәттілік дөңгелегі» деп аталатын функция орналастырылған сайттың әзірлеушісі жауап берген болатын.
13 наурызда Астанада бұл іс бойынша алдын ала сот отырысы өткен.
Блогерлердің адвокаты сот процесін жабық режимде өткізуді сұрап, өтінішхат білдірді, алайда прокурорлар бұған қарсылық танытты. Сот бұл өтінішті қанағаттандырудан бас тартты.
Ерболат Жанәбілов пен Эльмира Төлегенова журналистердің сот отырысы кезінде оларды видеоға, суретке түсіруіне қарсы шықты.
«Менің үлкен балам мектепке барады, оған біздің жеке өмірімізге қатысты орынсыз сұрақтар қойылып жатыр», - деп түсіндірді Төлегенова.
