Бүгін, 20:40
Қазақстан Республикасының Оқу-ағарту министрі Жұлдыз Сүлейменова заң талаптарын орындамайтын және белгіленген сапа стандарттарына сай келмейтін жекеменшік мектептерге қатысты қатаң ұстанымын жариялады, деп хабарлайды kznews.kz.
Министрдің мәлімдеуінше, соңғы он жыл бойы өз ғимаратының мақсатты пайдалануын заң аясында рәсімдемеген білім беру ұйымдарының барлығының қызметі тоқтатылатын болады.
"Заңға сәйкес, тәртіпке сәйкес сапалы мектептің бәрі қалады. Мемлекет өзінің міндеттемелерін орындайды. Сапасыз, заңсыз жұмыс жасаған, 10 жылдан бері өзінің ғимаратының мақсатты пайдалану тетігін дұрыстап заңдастырмаған мектептердің барлығы бұдан әрі жұмыс жасамайтын болады. Менің ойымша, бұл Мемлекет басшысы Қасым-Жомарт Кемелұлы Тоқаевтың "Заң және тәртіп" қағидасытының аясында, сонымен қатар бүгінгі таңдағы “Әділетті Қазақстан” қағидаты тұрғысы аясында өте дұрыс шешім деп санаймын", – деді Жұлдыз Сүлейменова.
