4 маусым, 2020
Десаулық сақтау вице-министрі Олжас Әбішов брифинг барысында елімізде үй жағдайындағы карантинді бұзғандардың қатары көп екенін айтты, деп хабарлайды Stan.kz ақпарат агенттігі.
Әбішовтың айтуынша үй жағдайындағы карантинде отыруы керек науқастармен қарым-қатынаста болған немесе аса қауіпті аймақтарда, шетелдерде болған адамдардың көп бөлігі ережеге бағынбаған. Әсіресе мереке кездерінде карантин режимін сақтамай сыртқа шығып кеткендердің қатары көп. Басқалардың өміріне қауіп төндірген ондай адамдар заң жүзінде жазаланбақ.
"Ішкі істер департментіне карантинді бұзғандар жайында ақпарат беруге болады. Олар шара қабылдайды. Жалпы статистикаға сүйенсек, екі ағым бойынша карантиннің бұзылу байқалды. Үй карантинін адамдардың 50%-ы мамырдағы мерекелер басталған кезде бұзды. Бұл алғашқысы. Яғни, тең жартысы. Екінші ағым 11 мамырдан кейін орын алды. Төтенше жағдайларды алып тастағаннан кейін үй жағдайындағы карантин бұзылды. Біз барлық ақпараттарды департаментке тапсыдық", - дейді Әбішов.
Вице-министрдің пікірінше бұндай статистика адамдар үй жағдайындағы карантинге жауапкершілікпен қарамағандықтан туындап отыр. Үй жағдайындағы карантиндегілер аса қауіпті болып есептелгенімен оны мойындағылары келмейді дейді Әбішов.
stan.kz
