Белгілі әнші Тамара Асар әлеуметтік желідегі оқырмандарына жан сырын бөлісіп, жүрегіндегі толғанысын ашық жеткізд, деп хабарлайды kznews.kz.
Өнер иесі соңғы уақытта көпшіліктен алған қолдау мен жылы лебіздің өзіне ерекше күш бергенін атап өтті.
«Баршаңызға рахмет! Сіздердің әрбір жылы сөздеріңіз менің жаныммен тәнімді емдейді. Мен Жұмашты емдеймін. Сөйтіп демесіп, күйбің өмірдің үйірінің жүрісіне ілесіп кету үлкен сауап…» – деп жазды әнші.
Тамара Асар өнерге деген сағынышын да жасырмады. Ол сахнадағы ерекше эмоцияны, көрерменмен тікелей байланыс орнаған сәттерді жүрегі аңситынын айтты.
«Айғайлап ән айтқым келеді. Дуылдаған ыстық овацияны естігім келеді. Кеудеме қолымды қойып, көрерменіме басымды иіп, ұзаааааақ уақыт тізе бүгіп тұрғым келеді. Көрсетпеуге тырысып, тамаққа тығылған әлдебір аралас күйдің көз жасына булыққым келеді. Көрерменнен келген хош иісі бұрқыраған гүлдерді құшақтағым келеді. Сахнаның артында әр тесік пен есіктен сығалап соққан желдің өткірлігінен, жауырыннан сорғалап аққан терге тоңғым келеді…» – деп сезімін жеткізді ол.
Әншінің айтуынша, сахна – тек өнер алаңы ғана емес, өмірінің мәні мен жүрек тынысы. Сол себепті ол көрерменмен қайта қауышуды, өнерін одан әрі жалғастыруды үлкен сағынышпен күтіп жүр.
Жазба соңында Тамара Асар өмір мен махаббаттың үндестігін ерекше атап өтті:
«Махаббат ӨМІР – Жұма жібек», – деп түйіндеді өнер иесі.
