Әнші Instagram парақшасында анасына жүрекжарды тілегін арнап, мерейлі жасқа жеткеніне қуанышты екенін жеткізді.
Қазақстанның халық әртісі Мақпал Жүнісова анасының 90 жасқа толған туған күнін жақын туыстарының ортасында атап өтті. Отбасылық мерекеден түсірілген бейнежазбалар әлеуметтік желіде жарияланды, деп хабарлайды kznews.kz.
«15 қараша — біздің анамыздың туған күні. Арамызда болғаныңызға Аллаға мың шүкірлер, ғасыр тойыңызды көрсек арман жоқ. Алла қолдасын, анашым!» – деп жазды өнер иесі.
Жарияланған кадрлардан мерейтойдың шағын отбасылық дастарқан аясында өткенін байқауға болады. Кешке әулеттің жақындары жиналып, ақ жаулықты ананы ерекше құрметке бөлеген.
Мерекелік отырыста немере-жиендері де өнер көрсетіп, ән айтып, әжелеріне музыкалық тарту жасады.