Бүгін, 19:49
Қоғам назарында жүрген әзілкеш Тұрсынбек Қабатов тағы да әлеуметтік желі қолданушыларының талқысына түсті, деп хабарлайды kznews.kz.
Бұл жолы көпшіліктің назарын әзілкештің бірінші әйелі Мөлдір Мұқановамен бірге түскен суреттерін Instagram парақшасына қайта жариялауы аударған. Осыдан кейін желі қолданушылары Қабатовтың жеке өміріне қатысты түрлі болжам айта бастады.
"Тұрсынбек Мөлдірмен түскен фотоларын Instagram-ға шығарып қойыпты. Қуанып тұрмын. Не болды екен?" – деп жазды Threads қолданушысы.
Осы жазбадан кейін желі қолданушылары түрлі пікір қалдырды. Бірі мұны жақсы белгіге балап, Мөлдір Мұқановаға қолдау білдірсе, енді бірі отбасы, балалар және жеке өмір тақырыбында ойларын жазған.
Пікір білдірушілер арасында "Ат айналып қазығын табады", "Адасқанның айыбы жоқ", "Ешқашан біреудің отбасын бұзбаңыздар" деген пікірлер де кездеседі.
Әзірге Тұрсынбек Қабатовтың өзі бұл жағдайға қатысты ресми пікір білдірген жоқ.
