Бүгін, 17:55
Желіде жайдарманшы Тұрсынбек Қабатов пен оның отбасы өміріне қатысты жаңа мәліметтер тарады, деп хабарлайды Sn.kz.
Өнер иесі отандық телеарналардың біріне берген сұхбатында алғашқы жары Мөлдір Мұқановамен қалың малсыз шаңырақ көтергенін айтқан.
Айтуынша, бүгінде олар бес бала тәрбиелеп, тату-тәтті өмір сүріп келеді.
"Қазақта "теңін тапса, тегін бер" деген сөз бар. Мен Мөлдірді қалың малсыз алдым. Қазір бес баламыз бар, бақытты өмір сүріп жатырмыз", – деген ол.
Алайда бұл пікір әлеуметтік желіде түрлі реакция тудырып, қызу талқыға түсті. Кейбір қолданушылар өнер иесінің сөзін сынға алып, отбасы құндылықтары мен жауапкершілік мәселесін көтерді.
