12 наурыз, 2025
Бұл қыздардың жасы 13 пен 15 жас аралығында
Қазақстанның бала құқықтары жөніндегі уәкілі Динара Зәкиева Сенатта өткен «Жасөспірім қыздардың құқығын қорғау және ерте жүкті болу фактілерінің алдын алу» тақырыбында өткен дөңгелек үстелге қатысты. Сөз алған ол Түркістан облысындағы сұмдық мәліметті жария етті, деп хабарлайды Azattyq Rýhy.
Оның айтуынша, қазір кішкентай қыздарға қатысты жасалатын зорлық-зомбылық Қазақстан мен өзге елдердің де өзекті әлеуметтік проблемасына айналған.
«Жұмысым осы болған соң мен зорлық көрген балалармен кездесемін, сөйлесемін. Мысалы, жуырда мен Түркістан облысындағы бір орталыққа бардым. Ол орталықта жастары 13 пен 15 аралығындағы 16 қыз тұрады, бәрі босанған. Олар өз ағаларының, көкелері мен туыстарының тарапынан зорлыққа ұшыраған», - дейді Зәкиева.
Олармен сөйлескен Закиева қыздардың жанақайын естіп, жағасын ұстағанын айтады.
«Қыздардың көбі өздері зорланып жатқанын, қылмысқа ұшырап жатқанын білген жоқпыз деген. Өйткені, бүкіл отбасыдағы балалар осылай өмір сүреді деп ойлаған екен. Олар бастан кешіп жатқан қасіреттерін ата-анасына, жақындарына, мектептің психологына айта алмаған», - дейді Зәкиева.
