7 қаңтар, 2026
Атырау облысында із-түзсіз жоғалған отбасының тағдырына қатысты жаңа мәліметтер белгілі болды, деп хабарлайды kznews.kz.
Alash.kz сайтының жазуынша, аталған жағдайға байланысты танымал экстрасенс Камран Самедов өз болжамын айтқан. Алайда оның мәлімдемесі отбасының жақындары мен жұртшылықты алаңдатпай қоймаған.
Журналист Гүлмира Әбіқай әлеуметтік желідегі жазбасында экстрасенстің жоғалған отбасы мүшелеріне қатысты айтқан жайттарымен бөлісті. Оның сөзінше, берілген ақпараттың мазмұны тым ауыр болғандықтан, толық нұсқасын жариялау мүмкін болмаған.
Журналист болжамның үміт сыйламайтынын да атап өтті.
"Экстрасенс жоғалған отбасыға қатысты жағымды ештеңе айтпады. Ақпараттың өзі тым үрейлі, оны ашық айтуға дәтім бармайды", – деп жазды ол.
Кейінірек көріпкелдің өзі тараптар арасындағы хат алмасудың скриншоттарын жариялап, онда отбасы мүшелерінің өмірде жоқ екені айтылғаны көрсетілген.
Қазіргі уақытта бұл дерек бойынша ресми іздестіру және тергеу шаралары жалғасып жатыр. Құзырлы органдар тергеуге қатысты нақты ақпарат тек ресми дереккөздер арқылы ғана таратылатынын тағы да ескертті.
