Бүгін, 11:59
Атыраудағы отбасы қазасына қатысты сот процесі жалғасып жатыр. Кезекті отырыстардың бірінде тергеу материалдары, оның ішінде эксгумация видеосы мен күдікті Сұлтан Сәрсемалиевтің алғашқы жауап алу кезіндегі жазбалары көрсетілді, деп хабарлайды kznews.kz.
Сот залында болғандардың айтуынша, марқұмдардың туыстары бұл кадрларды ауыр қабылдап, көз жасына ерік берген. Ал процесс қатысушыларының назарын сотталушының әрекеті аударған. Ол материалдар көрсетіліп жатқан кезде сабыр сақтап, экрандағы көріністерді мұқият бақылап отырған.
