12 сәуір, 2019
Маңғыстау облысының тұрғындарымен кездесуде Қазақстан президенті Қасым-Жомарт Тоқаев Жаңаөзенді дамыту мәселесін көтерді.
Мемлекет басшысының айтуынша, қалада тұрғын үй құрылысы мен инфрақұрылымды дамыту қажет.
"Жаңаөзен тұрғындарын тұрғын үймен қамтамасыз ету үшін квотаны, сондай-ақ Ақтау қаласындағы тұрғын үйлер мен жатақханаларды ескеру қажет. Үкімет осы мәселе бойынша кешенді жоспар әзірледі. Оны жүзеге асыру қажет. Аймақтағы тағы бір маңызды мәселе - Жаңаөзен қаласының дамуы. Жұмыспен қамту, тұрғын үй құрылысы және әлеуметтік инфрақұрылымды дамыту - басты міндет", - дейді президент.
Өңірдің тұрғындарымен кездесу барысында ол шағын және орта бизнестің кредиттеуге қолжетімділігін кеңейту экономикалық өсім мен үй шаруашылығының табыстары үшін маңызды екенін атап өтті. Осыған байланысты мемлекет басшысы Ұлттық банкке кредиттеу ставкаларын одан әрі төмендету және экономиканы қаржыландыру көлемін арттыру тетіктерін әзірлеуді тапсырды.
stan.kz
