6 қараша, 2024
Қазақстан президенті Қасым-Жомарт Тоқаев Дональд Трампты АҚШ-тағы президенттік сайлаудағы жеңісімен құттықтады, деп хабарлады Ақорданың баспасөз қызметі.
"Президент Қасым-Жомарт Тоқаев Дональд Трампқа АҚШ-тағы президенттік сайлаудағы жеңісіне орай құттықтау жолдады. Мемлекет басшысы қауіпсіздік, ядролық қаруды таратпау және инвестициялық саладағы екіжақты ынтымақтастықтың үдемелі дамуына сенім білдірді", - делінген сәрсенбідегі хабарламада.
Қазақстан Президенті Трампқа Америка халқының гүлденуі, жаһандық тұрақтылық пен қауіпсіздікті қамтамасыз ету үшін табысты қызмет тіледі.
