НҰР-СҰЛТАН, 29 қыркүйек — Sputnik. Мемлекет басшысы Қасым-Жомарт Тоқаев қазақстандықтарды еңбек күнімен құттықтады. Президент құттықтауын Twitter-аккаунтында жариялады.
"Еңбек күні құтты болсын, отандастар! Біз Қазақстанның даму жолында күш-жігерін жұмсап, жетістікке жеткен барша еңбек адамдарына лайықты құрмет көрсетеміз. Әсіресе, ардагерлерімізге айырықша алғыс айтамыз. Еңбек - бәрін жеңбек. Әрбір еңбек бағалы! Біз еңбекқор ұлт болуымыз керек", - деп жазды Тоқаев әлеуметтік желідегі парақшасында.
Айта кетсек, Қазақстанда Еңбек күні 2013 жылдан аталып өтеді. Осы жылы республика президенті Нұрсұлтан Назарбаев тиісті жарлыққа қол қойған болатын.