11 мамыр, 2020
Пандемия әлі де халықтың денсаулығына қауіп төндіріп тұрғандықтан, карантиндік шектеулер біртіндеп әрбір аймақта жағдайдың жақсаруына қарай алынады
НҰР-СҰЛТАН, 11 мамыр – Sputnik. Мемлекет басшысы Қасым-Жомарт Тоқаев төтенше жағдай режимін қамтамыз ету жөніндегі мемлекеттік комиссияның соңғы отырысын өткізді, деп хабарлайды Sputnik Қазақстан тілшісі президенттің баспасөз хатшысына сілтеме жасап.
"Бүгінде еліміздің барлық аумағында төтенше жағдай режимі тоқтатылады. Алайда бірқатар өңірде ауруды жұқтыру қаупі бар. Эпидемияны толығымен жеңген жоқпыз. Пандемия әлі де халықтың денсаулығына қауіп төндіріп тұр. Сол себепті карантиндік шектеулер біртіндеп әрбір аймақта жағдайдың жақсаруына қарай алынады", – деді Тоқаев комиссияның бүгінгі отырысында.
Президенттің баспасөз хатшысы Берік Уәли мемлекет басшысының сөйлеген сөзі akorda.kz сайтында толығымен жарияланатынын жеткізді.
Оқи отырыңыз: Қазақстанда төтенше жағдай режимі алынып тасталды
sputniknews.kz
