Қазақстан Президенті Қасым-Жомарт Тоқаев Бішкекте өтіп жатқан VI Дүниежүзілік көшпенділер ойындарының ресми ашылу салтанатына қатысты, деп хабарлайды kznews.kz.
Биыл Дүниежүзілік көшпенділер ойындары 31 тамыз бен 6 қыркүйек аралығында Қырғыз Республикасының Ыстықкөл облысында өтеді.
Ауқымды додаға әлемнің 100-ден астам елінен 3 мыңға жуық спортшы қатысады. Олар 43 спорт түрінен жүлделерді сарапқа салады. Бағдарламаға қазақ халқының ұлттық спорт түрлері де енгізілген.
Қазақстан атынан жарысқа 150-ден астам спортшы қатысады. Ұлттық құрама өкілдері бағдарламадағы 43 спорт түрінің барлығында бақ сынайды.
Айта кетейік, Қасым-Жомарт Тоқаев Қырғызстан Президенті Садыр Жапаровтың шақыруымен Бішкекке жұмыс сапарымен барды. Мемлекет басшысы Шанхай ынтымақтастық ұйымына мүше мемлекеттер басшылары кеңесінің 26-отырысына және «ШЫҰ+» форматындағы кездесуге қатысады.