15 қазан, 2019
Азияда
Қысқа сілтеме алу
Жахонгир Отажонов тойда төбесінен ақша жаудырып, қонақтарды таңғалдырған. Оған ұлттық дәстүрді бұзды деген айып тағылды
НҰР-СҰЛТАН, 15 қазан – Sputnik. Өзбектің танымал әншісі Жахонгир Отажонов лицензиясынан айырылды, деп хабарлады "Узбекконцерт".
Ол енді Өзбекстанда концерт бере алмайды.
"Жахонгир Отажонов мораль сөзін ұмытқан. Ол қасиетті Рамазан айында этика мен ұлттық дәстүрді бұзды", - делінген мекеме таратқан хабарламада.
Әншінің өзі жақында видеоүндеу жариялап, "маған бәрібір" деп мәлімдеген.
"Қаласаңыздар менің лицензиямнан айырыңыздар. Олай істеуге сіздердің құқықтарыңыз бар", - деді Жахонгир Отажонов.
Естеріңізге сала кетейік, осыған дейін әлеуметтік желіде әншінің тойда төбесінен ақша жаудырғаны жайлы видео тараған болатын. Оған қонақтар таңғалған. Бұл оқиға әлеуметтік желіде қызу талқыға түсті.
sputniknews.kz
