Бүгін, 12:01
Алматы облысының Ұйғыр ауданында адам өліміне қатысты ауыр қылмыс фактісі тіркелді, деп хабарлайды kznews.kz.
Алдын ала мәліметтерге сәйкес, 27 мамыр күні демалыс орындарының бірінде бірге жұмыс істейтін азаматтар арасында ішімдік ішу барысында жанжал шыққан. Тергеу нұсқасы бойынша, кикілжің кезінде 29 жастағы ер адам қатты соққыға ұшырап, көз жұмған.
Күдіктілер қылмыстың ізін жасыру мақсатында марқұмның мәйітін жерге көмген. Денесі бірнеше күннен кейін ғана табылған.
Қазіргі уақытта оқиғаға қатысы бар деген күдікпен екі адам ұсталып, уақытша ұстау изоляторына қамалды. Аталған факті бойынша адам өлтіру және қылмысты жасыру баптарымен қылмыстық іс қозғалып, жан-жақты тергеу жүргізіліп жатыр.
Құқық қорғау органдары оқиғаның барлық мән-жайын анықтауда.
