11 тамыз, 2025
Прокуратура мәліметінше, «Эпилепсия G40» диагнозы қойылған бір жүргізуші көлік тізгінінде келе жатып, денесі құрысып, екі жаяу жүргіншіні қағып кеткен. Ол 2021 жылдан бері аталған диагнозбен диспансерлік есепте тұрған. Қазіргі уақытта Қылмыстық кодекстің 345-бабы 2-бөлігі бойынша қылмыстық жауапкершілікке тартылды.
Прокуратураның бастамасымен сот шешімімен 10 адамның жүргізуші куәлігі кері қайтарылды.
«Жол жүрісі туралы» заңның 75-бабына сәйкес, егер жүргізушінің денсаулығында көлік басқаруға кедергі келтіретін ауру анықталса және ол медициналық қорытындымен расталса, оның көлік жүргізу құқығы тоқтатылады.
