25 қараша, 2019
Бір тәулікте 24 сағат бар. Десе де қазақта тәуліктің әр бөлігінің өз атаулары бар.
Қазақша тәулік мезгілдерінің атаулары:
Таң - күн шығар алдындағы мезгіл. Таңертеңгі мезгілде айналаның әлі жарықтанбай, сәл ғана бозғылт тартқан кезі алакеуім, алакөбе, алаң–ғұлаң, елең–алаң деп аталады. Ал құланиек, құлын сәрі дегеніміз - таң жаңа сыз беріп ата бастаған кез. Жерге жарық түсе бастаған кез - таң сәрі деп аталады.
Сәске - күн көкжиектен көтеріле бастаған мезгіл.
Түс - күннің орта мезгілі.
Бесін - күн еңкейген мезгіл.
Ақшам, ымырт - күн ұясына бата бастаған мезгіл.
Түн - тәуліктің кештен таңға дейінгі аралығындағы мезгіл.
