Криптовалюта құны 4,7%-ға өсіп, рекордтық көрсеткіш 80 мың долларға жетті. Бұл туралы Kznews.kz ақпарат агенттігі Bloomberg басылымына сілтеме жасап хабарлайды.
Қазіргі уақытта биткоин 79 500 долларға саудаланып жатыр.
Басылым мәліметінше, биткоин бағамы Дональд Трамптың АҚШ президенттік сайлауында жеңіске жетуі аясында өсіп жатыр. Сайлау науқаны кезінде Трамп АҚШ-ты "ғаламшардың крипто астанасына" айналдыруға уәде беріп, биткоиндердің ұлттық қорын құруды ұсынды.
Бұған дейін биткоин 6 қарашаға қараған түні АҚШ-тағы президенттік сайлаудан кейінгі дауыстарды санау кезінде жаңа рекордтық деңгейге жетті. Содан кейін Bitcoin бағамы 74 600 долларға дейін көтерілді.
