24 желтоқсан, 2024
Таразда топпен зорланған 12 жастағы қызға қатысты іс Жамбыл облысының кәмелетке толмағандардың істері жөніндегі ауданаралық сотына жетті. Бұл туралы Kznews.kz ақпарат агенттігі Orda.kz порталына сілтеме жасап хабарлайды.
Істің сотқа жеткенін жәбір көрген қыздың анасы айтты. Адвокаттың айтуынша, іс Қылмыстық кодексінің 120-бабы 4-бөлігі және 121-бабының 4-бөлігі бойынша қозғалған.
Бұған дейін 12 жастағы қыздың анасы көрші тұратын бірнеше жасөспірімнің қызын топпен зорлап, онысын видеоға түсіргенін айтқан еді. Бұл туралы білгенде ол бірден полицияға шағым түсірген.
Жәбірленуші тараптың адвокаты Әлия Арзымбетова сараптаманың қорытындысы шықпастан қылмыстық іс екі рет тоқтатылғанын айтты.
Бұған дейін Жамбыл облысында жасөспірімдердің қызды топтасып зорлады деген күдікке ілінгені туралы жазған едік.
