11 қаңтар, 2026
Ақтаулық танымал блогер Салтанат Аманқосова той үстінде «доллардан шашу шаштық» деп видео жариялап, желіні шулатты, деп хабарлайды kznews.kz.
Айтуларынша, той блогердің туған сіңілісі Альбинаның бір жасқа толған қызына арналған. Дәл осы қуанышта Салтанат Аманқосова ерекше «шашу» жасағанын көрсетіп, оқиғаны желіге өзі бөліскен. Видеода тойдың көңілді атмосферасы мен жұрттың назарын бірден аударған сәттер байқалады.
Блогер жазбасында: «Ал, жалғыз жиенім 1 штук жиенімнің тойы деп, көке екеуіміз 1 дoллapдан 100 штук шаштық. Той құтты болсын жаным», – деп атап өткен. Осы сөздерден кейін желі қолданушылары видеоны қызу талқылауға кіріскен. Бірі мұны мәрттікке балап, енді бірі «шоу үшін жасалған әрекет» деген пікір білдірген.
Пікірлердің арасында қолдау да, күмән да қатар жүр. Кейбірі «Мықты Салтош» деп мақтаса, тағы бірі «Маңғыстау осы шашу дәстүрін шынымен сақтап қалған топырақ қой. Беташарда шашады, қойып ақша жинамайды» деп дәстүрді тілге тиек еткен. Ал үшіншілері «Шын ақша ма шашқаны?» деп нақтылап сұрап, видеодағы көріністің рас-өтірігін талқылаған.
