Шымкент қаласындағы Студенттер қалашығы шағынауданында орналасқан бір подъезден төрт адамның мәйіті табылды. Алдын ала мәлімет бойынша, қайғылы жағдайға газдан улану себеп болуы мүмкін, деп хабарлайды kznews.kz.
Көршілердің айтуынша, пәтерлердің бірінен 31 жастағы әйел мен 16 жастағы қыздың денесі табылған. Ал екінші қабаттағы пәтерден 23 жастағы жігіттің мәйіті анықталған. Бұдан бөлек, үшінші қабаттағы жалдамалы пәтерде тұрған студент қыздың да көз жұмғаны белгілі болды.
20 жастағы қыздың денесін пәтер иесі жуынатын бөлмеден тапқан. Тұрғындардың сөзінше, бұған дейін үйде газ иісіне байланысты шағымдар болған, алайда газ қызметі әзірге ресми түсініктеме бермеген.
Полиция бұл факті бойынша адам өліміне әкелген қызмет көрсету дерегімен қылмыстық іс қозғады. Қазір оқиғаның барлық мән-жайы анықталып жатыр.