“Сұраққа қысқа жауап беріңіз” - Мәжіліс спикері Үкімет мүшелеріне ескерту жасады

Қазақстан Мәжілісінің төрағасы Ерлан Қошанов Үкімет мүшелеріне сұрақтарға қысқаша жауап беруін сұрады.

"Мен сізге үнемі ескертемін, қысқа жауап беріңіз. Неғұрлым ұзақ жауап берсеңіз, соғұрлым көп сұрақтар туындайды", - деді Қошанов сәрсенбіде Мәжілістің жалпы отырысында Үкімет мүшелеріне.

Оның айтуынша, атмосфералық ауаның сапасы мен аймақтардағы ластаушы заттардың шығарындылары туралы жауап жалғасып жатқанда, осы уақыт ішінде тағы 17 депутат сұрақ қою үшін жазылған.