1 ақпан, 2021
2020 жылы екі ірі шенеунік пен тағы бірнеше тұлға бюджет қаражатын жымқырды деп айыпталды. Бұл туралы KzNews.kz ақпарат агенттігі "Чиновник" телеграм каналына сілтеме жасап хабарлайды.
Шымкентте 1989 жылы туған Шымкент қаласының Ауыл шаруашылығы және ветеринария басқармасының басшысы Асқар Сәкенұлы Қаныбековке (VI сайланған Қазақстан Республикасы Парламенті Мәжілісінің депутаты Сәкен Қаныбековтың ұлы), "Континентал логистикс Шымкент" ЖШС директоры Н.Темірболатовқа және басқа да тұлғаларға қатысты 189-баптың 4-бөлігі бойынша сотқа дейінгі тергеу тіркелді.
2020 жылдың сәуір айында жоғарыда аталған тұлғалар "агроөнеркәсіптік кешенді дамыту" мемлекеттік бағдарламасы аясында жеміс-көкөніс қоймаларын салуға бөлінген 178 млн теңге сомасында бюджет қаражатын жымқырды деген күдікке ілінді.
