20 желтоқсан, 2018
Риддерде жүргіншілер жолағында үшінші сынып оқушысын автокөлік қағып кетті.
Ауыр жараланған бала емханада көз жұмды. Қайғылы оқиға 18 желтоқсанда Островский көшесінде болған. Алдын ала мәлім болған ақпаратқа сенсек, оқушы көліктің келе жатқанын көрмепті. Ал жүргізуші жүргіншіні кеш байқапты.
Дәрігерлер жарақат алған балаға бас сүйек-ми зақымы деп диагноз қойған. Бүгін әлеуметтік желіде баланың қаза болғандығы туралы ақпарат тарады. Қазіргі уақытта күдіктінің ісімен полицейлер айналысып жатыр. Айта кетейік, болған оқиғаның алыстан түсірілген видеосы әлеуметтік желіде тарады.
Дереккөз: Алтайньюс
