Бүгін, 10:53
Қайғылы оқиға 13 қазанда сағат 17:10 шамасында Құттықожа көшесіндегі №111 үйдің маңында болған. Алдын ала мәліметке сәйкес, Mitsubishi Lancer Sedan автокөлігінің жүргізушісі кішкентай баласын ерткен әйелді қағып, тоқтамастан оқиға орнынан кетіп қалған.
Қызылордада жол-көлік оқиғасы салдарынан ауыр жарақат алған нәресте ауруханада қайтыс болды. Баласымен бірге жолда келе жатқан әйелді көлікпен қаққан жүргізуші оқиға орнынан ізін суытқан, деп хабарлайды kznews.kz.
Көлік тізгінінде 2000 жылы туған Алексей Александрович Великов болғаны хабарланды. Қазіргі уақытта полиция күдіктіні іздестіріп жатыр.
Жол апатынан зардап шеккен әйел ауыр жарақаттармен ауруханаға жеткізілген. Оның бас сүйегі, қабырғалары мен жамбас сүйегі зақымданып, жансақтау бөліміне жатқызылған.
Әйелдің жанында болған ұлы 2026 жылғы 20 мамырда дүниеге келген. Нәресте басынан жарақат алып, ауруханаға жеткізілгенімен, дәрігерлер оның өмірін сақтап қала алмады.
Аталған оқиға бойынша қылмыстық іс қозғалды. Құқық қорғау органдары жол апатының барлық мән-жайын анықтап, жүргізушінің әрекетіне құқықтық баға беру үшін тергеу жүргізіп жатыр.
