Бұл оқиға салмақ өлшеу рәсімінен кейін сахна сыртында орын алған.
«Номад» лақап атымен танылған Рахмонов жанкүйерлермен емен-жарқын жүздесіп, естелікке суретке түсіп, қолтаңба үлестіргенімен, ресейлік ақпарат өкілдеріне сұхбат беруге келіспеген.
Айта кетейік, бұл кеште Шавкат Рахмонов отандасы Асу Алмабаевтың бұрышында болып, жекпе-жек барысында оған кеңес бермек. Алмабаевтың қарсыласы — Перу елінің өкілі Хосе Очоа. Бастапқыда октагонға өзбекстандық Рамазан Темиров шығуы тиіс болған, алайда ол допинг дауына байланысты турнирден шеттетілді.
UFC Fight Night турнирі Астана уақытымен 21:00-де басталады. Асу Алмабаевтың жекпе-жегі 27 шілдеге қараған түні 00:30 шамасында өтеді.
