27 қыркүйек, 2023
Спорттық сөмкеге салынған баланың мәйітін Семей маңындағы тас жолдағы дәретханаға тастап кеткен.
Бұл оқиға Семей өңірінде орын алды. Абай облысында төрт жасар баланың өлімі бойынша тергеу жүргізіліп жатыр. Бала күтуші оны өлтіріп, мәйітті Семей маңындағы трассадағы дәретханаға тастап кеткен болуы мүмкін, деп жазады КТК телеарнасы.
Әлеуметтік желілерде қала тұрғыны баласын күтушіге қалдырғаны айтылған. Ал ол үйге қайтып келгенде баланы таппаған.
Бала қайтыс болған соң күтушініе күйеуі оны дәретханаға апарып тастаған.
Әзірге ресми түрде жарияланған мәліметтер аз, полиция тергеу жүргізілуде. Бірқатар сот-медициналық сараптамалар тағайындалды.
Қылмыстық істі тергеу Абай облысы полиция департаменті мен прокуратура басшылығының ерекше бақылауына алынды.
«Қылмыстық-процестік кодекстің 201-бабының 1-бөлігіне сәйкес сотқа дейінгі тергеп-тексерудің өзге деректері жария етілуге жатпайды», - делінген ПД хабарламасында.
фото: ғаламтордан
