Бүгін, 17:45
Атырау облысында қайын жұртындағы төрт адамды өлтірді деп айыпталып жатқан Сұлтан Сәрсемәлиевке қатысты сот процесінде жаңа бейнематериалдар қаралды. Кезекті отырыста Ақбаян Мұқанғалиеваның тергеу кезінде берген жауабы көрсетілді, деп хабарлайды kznews.kz.
Сотта айтылған мәліметке сәйкес, Ақбаян Мұқанғалиева психоневрологиялық диспансердің ақпараттық жүйесінде есепте тұрған. Қазіргі уақытта ол психиатриялық мекемеде ем қабылдап жатыр.
Жауап алу барысында әйелге отбасы, денсаулық жағдайы және оқиғаға қатысты бірқатар сұрақ қойылған.
"Мен басымды тексертіп, ем алдым. Түркияда күйеуім уақытша жұмыс істеді. Біз қонақүйде тұрдық. Мен көбіне ұйықтап жаттым. Телефоным болған жоқ, оны Сұлтан алып алған. Полиция мені және күйеуімді не үшін ұстағанын білмеймін. Менің ешқандай психикалық ауруым жоқ, мені психикалық орталыққа жатқызбаңыздар", – деп жауап бергенін судья оқып берді.
Бейнежазбада Мұқанғалиеваның кейбір сұрақтарға нақты жауап бере алмағаны байқалған. Сондай-ақ ол шаршағанын айтып, жекелеген сауалдарға жауап беруден бас тартқан.
