19 наурыз, 2019
Сарбас Ақтаев (1934 ж.т., Зеренді ауданы Жылымды а.) — жазушы, аудармашы, Шоқантанушы. Қазақстан Жазушылар одағының мүшесі, Қазақстан Республикасының еңбегі сіңген мәдениет қайраткері. Қарағанды педагогикалық институтын бітірген (1957). Мектепті аяқтаған соң «Колхоз жолы» ауданы газетінде жауапты хатшы, 1958 ж. 8 жылдық мектепте мұғалім болып жұмыс жасаған. 1958 жылдан Көкшетау облысы газетінде, «Ара-Шмель» республикалық сатира журналында, «Жетісу», «Социалистік Қазақстан», «Халық кеңесі» газеттерінде редактор, «Ақиқат» журналында бас редактордың орынбасары, бас редактор.
Соңғы жылдары аудармашылықпен айналысып, М.Шолохов және С.Томпсон әңгімелерін, В.Обручевтің «Земля Санников», Н.Ановтың «Ән қанатында», А.Джафар-Заденің «Вернись на Родину», Р.Фрайерманның «Дикая собака динго», А. Камюдің «Чума», К. Гамсунның «Голод», «Пак» және «Виктория», Д. Мамин-Сибиряктың «Ақбозат» шығармаларын қазақ тіліне аударды. А. Парасат орденімен марапатталған.
