9 маусым, 2019
Кезектен тыс Қазақстан президенті сайлауы Геннадий Головкиннің канадалық Стив Роллсқа қарсы жекпе-жегі өтетін күнге сәйкес келді
Нұр-Сұлтан қаласындағы сайлау учаскелерінде Нью-Йорктің Madison Square Garden аренасынан тікелей трансляция ұйымдастырылды.
Кейбір сайлаушылар дауыс бергеннен кейін сонда қалып, GGG-дің жекпе-жегін тамашалады.
Геннадий Головкин мен Стив Роллс жекпе-жегі елорда уақытымен таңғы 9-ға қарай басталды. Қазақстандық боксшы бар-жоғы 15 минут жұдырықтасып, қарсыласын нокаутқа жіберді.
Тағы оқыңыз: Головкин Роллсты жойқын нокаутқа түсірді – видео
Геннадий Головкинді Қазақстанның тұңғыш президенті Нұрсұлтан Назарбаев пен қазіргі мемлекет басшысы Қасым-Жомарт Тоқаев жеңісімен құттықтады.
Елордада сайлаушылар Головкиннің жекпе-жегін қалай тамашалағанын Sputnik Қазақстанның видеосынан көріңіздер.
sputniknews.kz
