7 сәуір, 2021
Әлеуметтік желіде қазақстандық жұлдыздар қатысқан тойдың видеосы пайда болды. Қазір оны Алматыдағы мониторингтік топтардың бірі тексеріп жатыр.
Кадрлардан бұл мереке жас жұбайлардың үйлену тойына арналғанын көрсетеді. Іс-шараға қатысушылар арасында Роза Рымбаева, «МузАрт» тобының солисі Сәкен Майғазиев және КешYOU тобының экс-солисі Айдана Меденова болды.
Тойда болған қызықтармен Нұрлан Еспановтың ұлы өзінің Instagram-парақшасында бөліскен.
Тойды ертедегі той деуге келмейді. Себебі Шымкент қаласы мәдениет басқармасының бастығы, әнші С.Майғазиев: «Той-тойға ұлассын, жаман індет тез кетсін, сәуір болмай тәуір болмайды» деп тілек айтты. Соған қарағанда той жақында ғана болған тойға ұқсайды.
Ресми департаменттің хабарлауынша, қазір Алматының Алмалы ауданының бақылау тобы бұл фактіні зерттеп жатыр.
«Қазір біз мекеме әкімшілігімен іс-шаралардағы бейнематериалдардың архивін зерттеу жұмыстарын жүргізіп жатырмыз», - дейді мониторинг тобының өкілдері.
https://youtu.be/IN-aaPLRWCk
