8 мамыр, 2020
Ресейлік кәсіпкер Әлішер Усманов Мақтаарал аймағында болған су тасқынынан зардап шеккен азаматтарға 5 миллион 202 мың АҚШ долларын аударды.
Кәсіпкер 5 миллион 202 мың АҚШ долларын Түркістан корпоративтік әлеуметтік даму қорының есебіне аударды, деп хабарлайды Stan.kz ақпарат агенттігі Түркістан облысы әкімінің баспасөз қызметіне сілтеме жасап.
Бұл қаражат зардап шеккен 5202 отбасының жеке шотына аударылады.
Forbes журналының мәліметі бойынша, Әлішер Усмановтың байлығы 13,4 миллиард долларды құрады. Ол Ресейдің ең бай кәсіпкерлері рейтингінде жетінші орында тұр. Әлішер Усманов - ресейлік кәсіпкер және өзбек тектегі меценат, миллиардер, USM Holdings негізін қалаушы. Бизнестен басқа, ол Ресейдегі қоғамдық жұмыстарға және спорттың дамуына назар аударады.
stan.kz
