20 желтоқсан, 2018
Ресейдің ақпараттық технологияларды бақылау ұйымы Telegram әлеуметтік желісін бұғаттауды жоспарлап отыр. 2019 жылы іске асырылатын жобаның жалпы құны 300 миллион долларға тең. Бұл туралы ВВС телеарнасының ресейдегі қызметі мәлімдеді.
Әлеуметтік желіні бұғаттау жобасы DPI (deep packet inspection) технологиясы арқылы жүзеге асырылмақ. Провайдер ғаламторының көмегімен интернет-трафиктерінің барлық жұмысы қатаң бақылауға алынып, қажет емес дүниелер автоматты түрде бұғатталатын болады.
Естеріңізге сала кетейік, 16 сәуірден бастап Ресейдің ақпараттық технологияларды бақылау ұйымы Telegram әлеуметтік желісін бұғаттауды жүзеге асырып келеді. Бүгінге дейін Ресей аумағында 19 миллионнан астам тұрғынның IP мекен-жайы бұғатталып, барлау қызметкерлерінің назарына іліккен.
