Бүгін, 11:23
Қазақ ұлттық өнер университетінде Қазақстанның халық әртісі Меруерт Өтекешеваға қатысты дау шықты, деп хабарлайды kznews.kz.
Студенттер ұстазына қарсы жазылған арыздардың өз еркімен жазылмағанын айтып, жағдайға наразылық білдірген. Олардың сөзінше, бұл іске факультет деканы Ернияз Бірімқұловтың қатысы болуы мүмкін.
Жастардың айтуынша, декан студенттерге қысым көрсетіп, жасырын жиналыстар өткізген. Сондай-ақ арыз мәтінін өзі дайындап берген деген мәлімет айтылып отыр. Студенттер мұндай жағдай оқу процесіне кері әсер еткенін жеткізіп, әділдік талап етуде.
Ал Меруерт Өтекешева бұл жағдайды өз беделіне нұқсан келтіру үшін ұйымдастырылған әрекет деп санайды. Оның айтуынша, ол аталған әріптесімен төрт жыл бірге қызмет еткен.
