31 қаңтар, 2019
Түркістан облысы Жетісай ауданында қыстың күні қауын-қарбыз сатылып жатыр. Кәсіпті жақында ғана қолға алған Бекқали Қалмұратов тауарына сұраныс көп екенін жеткізді. Кәсіпкер қауынды интернет арқылы сатып жатыр деп жазады "Замана" басылымы.
Фото: zamana.kz
Бекқали Қалмұратовтың негізі кәсібі жұмыртқа сату. Ал қауын-қарбызды ол жуырда ғана сатып бастаған.
Жаңа жыл қарсаңында Өзбекстанға барған ол үйіндегілерге базарлық ретінде қауын алып келген екен. Сөйтіп қарбыздың суретін Instagram парақшасына жүктеген.
Фото: zamana.kz
Қауынды көрген желі қолданушылары бірден оған қауынды сату жайындағы өтініштер жаза бастаған.
"Қауын алғысы келетіндердің саны артқан соң, Өзбекстанға барып, алып келдім. 50 шақты қауын 10 күнге жетпей өтіп кетті", - деді кәсіпкер.
Қауынның бір данасы екі жарым мың теңгеден басталады екен. Кәсіпкер үстінен көп қоспайтынын, тек жол-пұлдың ақшасын ғана шығаратынын жеткізді.
Қазір ол қауынды Қазақстанның барлық қалаларына жеткізуді қарастырып отыр.
Сіздің реакцияңыз
Тағы да оқыңыздар
Дереккөз: kaz.nur.kz
