Бүгін, 00:46
Отбасылық дуэт Жанболат пен Жазираның ұлы Қазыбектің үйлену тойы әлеуметтік желіде кеңінен талқыланып жатыр. Ауқымды мерекені жүргізген актер әрі әзілкеш Қайрат Әділгерейдің әрекеті көпшіліктің сынына себеп болды, деп хабарлайды kznews.kz.
Той кезінде Қайрат Әділгерей келіннің анасына қарата айтқан қалжыңы желі қолданушыларының көңілінен шықпады. Ортаға шыққан жеті баланың анасы — құдағиға байланысты айтылған «көшеде көрсем алып қашуға дайынмын» деген сөзі жұртшылық тарапынан орынсыз әзіл ретінде қабылданды.
Бұл жағдайдан кейін әлеуметтік желіде түрлі пікірлер жазылып, көпшілік асабаның сөзін сынға алды. Олардың пікірінше, мұндай қалжыңдар тойдағы әдеп пен мәдениетке сай келмейді.
Желіде: «Қайратты таңдағанына таңғалып тұрмын», «Жүргізе алмады, артық сөздері көп», «Шектен шықтың, ұят болды» деген сынды пікірлер жиі кездесуде.
