16 наурыз, 2019
Кеше «Астана» мен «Оқжетпес» арасындағы матчта көкшетаулықтардың қақпашысы Джурахон Бабахановтың миы шайқалған, деп хабарлайды Prosports.kz сайты клубтың баспасөз қызметіне сілтеме жасап.
«Астана» шабуылшысымен соқтығысып қалғаннан кейін көкшетаулықтардың қақпашысы ауруханаға жеткізілген. Медициналық тексерістен соң оның миы шайқалғаны белгілі болды.
Енді футболшы бірнеше апта бойы алаңға шыға алмайды.
Айта кетейік, футболдан Қазақстан Премьер-лигасының екінші турында «Оқжетпес» сырт алаңда «Астанадан» 1:2 есебімен ұтылған болатын.
Дереккөз: prosports.kz/kz
