Бүгін, 09:42
Ақмола облысының полицейлері Қосшы қаласындағы демалыс орындарының бірінде бассейнге батып көз жұмған баланың өліміне қатысты сотқа дейінгі тергеп-тексеруді бастады, деп хабарлайды kznews.kz.
Ақмола облысы Полиция департаментінің баспасөз қызметінің мәліметінше, 17 шілде күні Қосшы қалалық полиция бөліміне демалыс аймағындағы бассейнде шомылу кезінде кішкентай баланың суға батып кеткені туралы хабарлама түскен.
Белгілі болғандай, көз жұмған бала 2020 жылы туған.
«Аталған факті бойынша сотқа дейінгі тергеп-тексеру басталды. Қазіргі уақытта оқиғаның барлық мән-жайы анықталып жатыр. Қажетті сот сараптамалары тағайындалды», – деп хабарлады ведомство.
Әзірге қайғылы оқиғаның нақты қалай болғаны және баланың ересектердің қарауынсыз қалған-қалмағаны туралы ақпарат жарияланған жоқ. Тергеу барысында оқиғаға қатысты барлық жағдайға құқықтық баға берілетін болады.
