Қорғаныс министрлігі желтоқсан айының басында еліміздің барлық әскери бөлімдері оқу жылының басталуына байланысты жауынгерлік дайындықтың ең жоғары деңгейіне келтірілетінін ресми түрде хабарлады, деп хабарлайды kznews.kz.
Ведомствоның Telegram-арнасындағы ақпаратқа сәйкес, айдың алғашқы күндерінде бүкіл Қарулы Күштер оқу дабылы бойынша сапқа тұрғызылып, әскерилер оқу полигондары мен оқу орталықтарына жоспарлы марштар жасайды. Бірқатар бөлімшелер арнайы жаттығу орындарына әуе, теміржол және автокөлік арқылы жеткізіледі.
Министрлік аталған кезеңде қауіпсіздік мақсатында кейбір өңірлердегі автожолдарда қозғалыс уақытша шектелуі мүмкін екенін ескертеді. Осыған байланысты азаматтар мен БАҚ өкілдеріне тек ресми дереккөздерге сеніп, тексерілмеген ақпарат таратпау ұсынылды.
