29 қаңтар, 2025
Өнер жұлдызының бұл видеосы жұрттың көңілінен шыққан жоқ
Танымал әнші, актриса Айгүл Иманбаева тренд болған видеоны түсіріп, жұртты шошытты, деп хабарлайды Kznews.kz.
Әнші «қазақтар былай дейді» деген трендті түсірген болатын.
«Қазақтар ыдыс сынғанда қират, сындыр, қалғанын өртейміз деп айтады. Қонақ кеткенде «дастарханды жинайық» деп айтпайды, қазақтар «өзіміз отырып, шай ішейікші» дейді», - деп Айгүл Иманбаева әзіл видеосын түсірген.
Алайда, өнер жұлдызының бұл видеосы жұрттың көңілінен шыққан жоқ.
«Дым қызық емес осы трендтер, өз-өздеріңе күліп отырсыңдар», «Мұндай фразеологизмдер барлық тілде бар», «Тілімізді тек жақсы жағынан, басқа ел қызығатындай етіп көрсетейік», «Өз-өздеріңді келеке етуден жалықпайсыздар. Қазақтар жаманын жасырып, жақсысын асырады», - деп жазды желі қолданушылары.
