Танымал әнші Мақпал Жүнісова Instagram парақшасына ерекше видео жүктеп, оған жүрекжарды жазба қалдырды, деп хабарлайды kznews.kz.
Ақынның жариялаған видеосында ол ауладағы сарғайған жапырақтарды өзі сыпырып жүргені көрінеді.
"Ана жолы үйдің артындағы жапырақтарды жинатқызбап едім, балконнан қарап тұрғанда сап-сары боп жата тұрсыншы деп. Күздің аяғында қимай-қимай жапырақтармен қоштасып жатырмын", – деп жазды әнші.
Әнші, сондай-ақ ауласында арнайы тазалаушы адамның жоқ екенін, сол себепті есік алдындағы тазалықпен өзі айналысатынын жеткізді.
Желі қолданушылары бұл видеоны жылы қабылдап, пікір қалдырды.
"Қозғалыс – өмір, қандай керемет", "Мақпал ханым, күш-қуат берсін", "Денсаулыққа пайдалы", – деп оқырмандары түрлі пікір жазды.
