3 қыркүйек, 2019
Алдағы күндері үш өңірде күн күрт суытып, үсік жүреді
НҰР-СҰЛТАН, 3 қыркүйек – Sputnik. Синоптиктер Қазақстанның үш өңірінде дабылды ескерту жариялады.
4-6 қыркүйек аралығында Қызылорда облысының кей жерінде найзағай ойнайды, дауыл тұрады. 5-6 қыркүйекте кей жерде шаңды дауыл соғып, бұршақ түседі. 4 қыркүйекте таңертең және күндіз, 5-6 қыркүйекте тәулік бойы батыстан соққан жел солтүстікке ауысып, кей жерде екпіні 15-20 м/с болады, ал 5-6 қыркүйекте 23-28 м/с-қа дейін ұйытқиды.
Тағы оқыңыз: Маман қыркүйек айына болжам жасады: қазақстандықтарды не күтіп тұр?
4 қыркүйекте Қостанай облысының кей жерінде түнде және таңертең тұман түседі, түнде 1-3 градус үсік жүріп, күндіз найзағай ойнайды.
4 қыркүйекте Солтүстік Қазақстан облысының кей жерінде 1-3 градус үсік жүреді.
Өңірлердегі дабылды ескертудің ықтималдылығы – 90-95 %.
Тағы оқыңыз: Қыркүйек айында ауа райы қандай болады - синоптиктер болжамы
sputniknews.kz
