2 маусым, 2020
Қазгидрометтің мәліметінше, еліміздің бірқатар өңірлерінде аптап ыстық болады, деп хабарлайды Stan.kz ақпарат агенттігі.
3-4 маусым күндіз Қызылорда облысының оңтүстігінде 47 градус қатты ыстық болады.
3 маусымда Қызылорда облысында оңтүстіктен және оңтүстік-шығыстан жел соғады. Желдің жылдамдығы кей жерлерде 15-20 м/с дейін күшейеді.
3 маусым күндіз Атырау облысының кей жерлерінде найзағай ойнап, шаңды дауыл соғады. Шығыстан және оңтүстік-шығыстан жел соғады. Жел қарқыны - 15-20 м/с. 35-37 градус аптап ыстық болады.
3 маусымда Ақмола облысының кей жерлерінде найзағай жарқылдайды. Түнде және таңертең кей жерлерде тұман түседі. Солтүстік-шығыстан соққан желдің екпіні кей жерлерде 15-20 м/с жетеді.
3-4 маусымда Алматы облысында 35-38 градус аптап ыстық сақталады.
3 маусым күндіз Ақтөбе облысының оңтүстігінде 38 градус аптап ыстық болады.
stan.kz
