7 шілде, 2020
Қазақ сән өнерін кесіби деңгейге көтеріп, өз мектебін қалыптастырған майталман суреткер Берік Исмайлов дүниеден озды. Бұл туралы өз парақшасына белгілі режиссер Қалила Омаров жазды.
Берік Әбдішұлы Ысмайылов 1962 жылы 15 наурызда Қызылорда облысының Жаңақорған ауданында дүниеге келген. Модельер-конструктор, халықаралық дизайнерлер қауымдастығының мүшесі, «Берік Ысмайылов» авторлық сән салонының директоры. Омбы политехникалық институтының, Мәскеудегі Любовь Красникова — Аксенева авторлық мектебінің түлегі. Он саусағынан өнер тамған ол халықаралық дәрежеде кең танылған сәнгер.
